80後(85或之前), 很快我們30了...

80後成日怨無得上位, 原因係做左幾年有左經驗, 覺得有經驗就應該上位?

60, 70後經驗比你地多, 上位係唔係更加正常? 有乜好怨

重點唔係話怨唔怨
而係呢個確實係社會、組織架構既一個嚴重問題
你可以想像一下，而家90後既年青人
將來既生活會係點樣樣

我相信好多人都有呢個感受
當然包括左60,70後既人

每一間公司既架構都係金字塔式
當然，這是理所當然的
但是，薪金分佈不平衡好容易造就唔同階層的分化
而政府對唔同階層既支援都係一個好大的問題

好在我仲堅持到書讀得唔好唔緊要
半年後25
除左長工一份外，好多行業都有試下(當然係唔需要入場卷個種)
開飯唔係問題
細個經已覺自己條命有點運仔
屋企唔係窮亦唔富有，容許我任性
女友識於微時，差不多談婚(然則我仲係好仆街)
樓又岩岩買左，要開始供樓
人心無滿足，希望將來可以搵多d錢，等我做多d善事，咁就正啦

83年

25歲時自己開左間TRADING仔到而家，慶幸海嘯之後區然唔死得，但就發覺香港社會根本唔鼓勵你去做生意，你去借錢炒股炒樓大把銀行俾你揀，你話公司資金要周轉，董事唔肯上身冇野抵押就啋你都傻，錢又唔係賺唔到，不過成本真係太高，每個月剩係敢出萬幾蚊糧俾自己，但係又一毫子都冇剩，公司要發展又好難，真係唔知黎緊點做

巴打我同你經歷差唔多, 不過我Third hon, 收過Warning.
剛讀完個M.Sc, 做緊RA. 我都算係屋企人, 朋輩心目中一個乖乖仔.
不過感覺係前路茫茫, 好想離開香港.

我都好想讀Mphill,而家幫緊個大學個時老細做RA
人工重要比出面少好多, 得個9k 左右
始終都係我老細一直睇住我,又唔好意思整走佢
未番去做RA個時都重有 1X K
佢應承我會幫我搶個Mphill offer番黎先幫下佢

不過我老細已經全力幫緊我攪個Mphill offer番黎
聽講已經過左兩關,只剩最後一關
希望新年後有望

而家都諗緊無offer點算,
最慘係自己都未搵到真正想做邊行,打咩工,點打江山

我雖然未必叻做生意，但自問賣野既能力都叫過得去，而家做緊既野都係自己鐘意，至於可以做到點就唯有睇有冇運，真係唔明香港點解要搞人人都淨係可以諗住打份工，想開間鋪兩年唔係執就變左幫業主打工，唔想捱貴租推架車仔就俾市政喊拉喊鎖，10幾年前我屋企樓下賣粥賣左六七年個個都話搵左百幾兩百萬收皮嘆下，而家仲邊有呢枝歌仔唱.....

呢個問題真係好嚴重, 本來唔需要咁多大學生,
但不斷洗你腦話讀得書多自然搵到食, 焗你讀大專

好多人有生意頭腦, 或者肯捱肯搏, 偏偏讀書唔得, 做小販, 工匠仲反而搵到食
依家為左所謂市容, 抹黑小販行業, 又拉又鎖又打, 斷人衣食,
搞到低下層又少一個方法向上流動

父母仲有4年退休, 可以怎麼辦

父母本身搵得極小錢, 仲有4年退休, 可以怎麼辦??

家中只有一個阿哥, 收入又不多
他們覺得好合理, 好正常-->>退休後, 要過舒適和安穩的生活, 但我成長時, 也過得不好
上一輩, 工作時間短, 收入高, 物價低, 社會負擔小.......但現在呢?

將來可以點
換著你係我, 你會點

我慘過你...


我老豆67歲...仲做緊野...渣亡命 van
老母都57

但我仲有2年先畢業

最大問題係得我一粒仔

我都唔撚知點養佢地

咁既 case 會越來越多

精既就逐 d 逐 d 將銀行的 d 錢買晒保值既野, 然後運上大陸一個安全地方放埋,
然後搞到表面上冇晒資產, 然後取綜緩

咁最著數

因為將來睇醫生, 去本地旅行, 去游水,打波,.... 綜緩人士都好著數
仲可以報下學煮食既興趣班,
咁日日都有好多野可拿回家食

冇計, 咁現在香港後生一代真係有困難丫嘛

不過上一代都唔好過
上一代都有好多人由十幾歲出黎捱世界, 真係捱果種, 一路做到死果日

我都明白 但佢地捱得黎係不斷進步 不斷愈黎愈好景果隻呀ma
而家果d係捱黎捱去得個吉

申請綜援可能要查你過去7年既紀錄架

所以要7年前就為將來作準備
唔可以突然將全部存款抽走, 然後去申請架

今日突然有感而發, 繼"窮人一出世就係輸家"
http://forum4.hkgolden.com/view.aspx?type=BW&message=1434569
一文後, 想再探討現在這一輩的問題, 大家討論一下如何走出這個困局

除了極少數的中產, 及已上位人士的下一代外, 這個年代的年輕一輩已經看不到將來...

很多人說這一代年輕人不上進, 飯來張口, 享受慣又淨係識得怨
但大家又有無諗過, 這一代的年輕人的質素是否真的那麼差? 而他們得到的機會又有幾多? 他們要過的關卡比上一代多幾多?

[能力]
兩文三語要求高了
現在的公司入職條件, 對兩文三語的要求極高
試問有幾多上一代已上位人士真的精通國語, 英語?

科技應用能力要求又高了
識電腦/打字幾乎係這一代人最基本的條件了

[關卡]
入職/升職條件
很多職業入職, 其實都需要有介紹人
上位人士的子女通常得到較好的介紹人幫助, 容易入職大公司, 甚至很多大公司的見習經理職位都會預留給高層/客戶子女
這些較好的職位在社會中不多, 只夠供應給那班已上位人士的下一代
未上位人士就算有很好的能力都不及已上位人士的介紹而入職
(例如, 據我所知, 如果想做某些薪高糧準的職業, 如果有父系親屬已經做緊, 入職時會有分加, 但這些只限社會已上位人士的子女)
由於科技發展, 很多以前有的職位到而家已經被取締, 根本現在這一代的工作少了之餘, 找工作的人又高了, 這一代幾努力都無乜用, 如果一個社會有10000份工, 但有1000000人去爭, 你叫佢地點進修都會有好多人失業

考試/考核
幾十年前很多職業是無需要考取牌照都能入職的
又或者根本沒有那麼多專業考試
但在今天, 做專業人士的考試都變得越來越多, 越來越難
這一代人, 工作之餘還要不斷進修
而這些考試其實就是上一代已上位人士定出來的遊戲規則

讓我來跟大家做一個比較

[已上位人士後代]
小學 (名校 + 無數樣興趣班)
-> 初中
(名校 + 無數樣興趣班 + 補習班甚至是私人補習)
-> 高中
(讀書唔成就去外國, 甚至某些子女可以拿著津貼去外國讀)
-> 大學
(外國輕鬆考完試拿好成績回港入大學, 入讀好科目, 如專業科目。
注: 外國考試與本港考試的難/易程度的分別之大, 我不想詳談了, 已有官方資料指出本港AL的C等如某國家同等考試的A grade)
-> 出來工作
(讀書時期由於有好的補習班, 甚至讀國際學校, 輕易得好grade之餘又可以參加一大堆中產人士的課外活動。其他一大堆入大公司的條件, 如所謂leadership/communication skills根本又係社會已上位人士跟一個模train佢地子女train出來的。如遇經濟危機, 已上位人仕由於已上位, 更可為子女鋪排入自己公司工作)
-> 工作多年
(成為專業人士, 又或者有叔伯兄弟關照, 成為高層。這些人工作幾年後又輕易成為社會中上層, 即已上位人士, 繼續定下新的規則讓其他人勞役)
-> 終其一生
(生活多一點享受, 但要遵從上一代定下來的規則生活, 大多數會做中產人士, 不斷考專業試, 繼續炒樓, 或用人生幾十年買蚊型樓。)

[非上位人士後代]
小學 (村校 + 無乜興趣班 + 可能被人恰/開始誤入歧途)
-> 初中
(村校 + 無乜興趣班 + 補習班)
-> 高中
(讀書唔成, 中五畢業就結束讀書生活, 或者變雙失。較勤力的就要搏老命考公開試, 見識較少之餘, 甚至可能成為制度下的白老鼠。
入不到大學的年輕一輩, 工作的前途及錢途大多數從此註定了, 不用多說了。)
-> 大學
(辛苦入到大學的專業科目就可以成為日後的已上位人士。注: 機會率係極低的。每一千人可能只得幾個。入不到專業科目的畢業生, 畢業後人工可能只剛夠還loan和俾家用。
入不到大學的年輕一輩, 工作的前途及錢途大多數從此註定了, 不用多說了。)
-> 出來工作
(成績好, 但中學時沒有中產形式的倒模式培訓－－英文／興趣班／領袖訓練班, 他們不乎合中產人士的生活圈子及模式, 難以擠身他們圈子/埋堆。
入不到大公司, 到最後捱多幾年人工都仲係差唔多, 莫講話供樓, 結婚, 生小朋友。
入不到大學的年輕一輩, 工作的前途及錢途大多數從此註定了, 不用多說了。)
-> 工作多年
(被工作幾年後又輕易成為社會中上層, 即已上位人士, 定下新規則的人勞役幾十年)
-> 終其一生
(遵從上一代定下來的規則生活, 或用人生幾十年都儲不夠錢買蚊型樓, 幾十年人生就是為已上位人士勞役。)


未上位人士的下一代, 年輕人們, 你們看到將來嗎?

[待遇]
同工不同酬
不少大機構及公司, 現在很多工作已經是外判, 明明做緊相同性質工作, 外判的員工待遇卻較差
最簡單, 舊制工務員同新制合約已經好唔同, 待遇爭好遠
而工務員同外判合約又爭好遠
但好多時佢地都只係做緊同一性質的工作, 只係因為年輕一輩在改制後入職, 就要得到較差待遇


[機遇]
安樂窩
大家比較一下40年前, 20年前, 10年前同而家的樓價
就會發現, 這一代人大學畢業都可能捱一世都未必儲夠錢買到一個單位, 更不要說非大學畢業生
比較一下樓價與大學畢業生月薪就會發現問題所在!
相反, 已上位人士, 包括不少中產, 他們轉一轉手, 就可能賺到別人一生都未必賺到的錢, 又買多個單位了

創業
經濟/商業發展到咁上下, 其實已經很難再有新的行業/職業出現
有利可圖的生意都早已有人做了, 而且現在做生意租金之高比起幾十年前高得多, 未開業就要交一大舊錢做租金

升職
自移民潮後, 上一代不少平庸的人因機遇而上位 (當然上左位的人當中亦有有料之人)
要升職加薪有幾難? 班鬼佬走左, 自然由當時年輕一輩上位
但這一代人, 上班看看自己公司, 就會發現有好多30歲左右的人做左好耐都未上到位
唔係因為佢地無能力, 而係根本無職位俾佢地升, 排隊排十年都可能仲係做緊低級職位
已上位人士坐住個位, 舒舒服服又點會讓個位出來?
早幾十年的人, 唔少大學一畢業就做經理級 (不要跟我說這一代太多大學生, 就當以前大學只有5%人入到, 所以佢地真係好top, 能擔當高職位, 但現在最top的5%的學生出來工作後的代遇都難以與以前的top的5%相比)
更諷刺的是, 某些已上位人士退休後的長糧可能比一個這一代的人工作20年搵的錢仲多

未上位人士的下一代, 年輕人們, 你們看到將來嗎?

最大問題是, 已上位人士很多依然未達退休之年, 絕對不會讓給下一代 (將心比己, 假如自己係已上位人士, 都唔會肯讓下一代上自己個位吧! 亦無咁0既必要!)
但遊戲規則是他們定好了的, 既得利益者當然會定了一堆規則保障自己的利益,
這一代年輕人不跟他們生活模式去生活, 亦難以生存

細心留意, 亦會發現這一代能夠較年輕便上位的人, 又或者是專業人士, 大多數其實又是已上位人士的下一代!
而且, 已上位人士未必真的很有料的, 但他們生於充滿機遇的年代, 結果就能控制了現時年輕一代的命運
相反, 我們可以想像到, 現在二十多歲的人, 由於社會流動性低, 無位上, 努力工作十幾二十年後, 都可能仲係做緊一些低級職位

大家試想想自己未來幾十年的生活是怎樣吧!
就算幾努力都無乜用, 相同付出但回報只係某些已上位人士的100分之一, 仲要俾人話唔夠勤力, 你甘心嗎?

窮人一出世就係輸家
這一代的年輕人, 如果出生於未上位人士的家庭, 就係輸家之中的輸家

除了起跑線不同, 連比賽規則都唔同, 仲可以點玩?
年輕人們, 是否應該做一些東西去改變現況?

這是一個嚴肅又認真的post, 真的希望大家理性討論

未上位人士的下一代年輕人們, 你們看到將來嗎?

小弟是這文章的原作者, 見到篇文被轉載到其他討論區並有激烈討論, 總算是能夠喚起了大家關注這社會的問題, 達到了目的
我本來都不想花時間回覆, 但看見很多很可笑的論點與論據, 還是花點時間回覆

另外, 看見有人批評寫這文章的人只是在怨天尤人, 不思進取, 不敢做實際行動去改變社會的不公平

我覺得很悲哀
因為這可以看到實在太多已上位人士, 或其後代的思想實在太封閉, 活在自己細小的世界, 他們只覺得自己的成功是靠自己努力, 不是僥倖, 而眼中別人的貧窮/潦倒是他們不夠努力, 不思進取
卻不知道自己是不公平的遊戲規則下的既得利益者, 又或者是極少數僥倖的人

現實生活中的我, 學歷及資歷, 甚至收入, 稱得上是現今社會標準下的上進人士
但我身為本地大多數人認同是頂級學府的畢業生 (所謂社會中的精英), 看到這個社會現象, 覺得要做點事, 想與大家分享/討論一下應該如何改變
我肯花幾小時來分析社會現況, 來寫這篇文, 就是最起碼要喚起了大家關注這個社會的問題, 這已經是實際行動的一種

以下簡單的回覆一下

1Q. 有人說, 與幾十年前甚至古代比較, 或與落後國家比較 (那些地區連飯都無得食得飽), 現在社會流動性已較高, 我們這一代有得食有得住, 無真正的捱過, 又說以前找工比現在更難

1A. 到底以前的「捱」是指甚麼? 以前的確有很多人要長時間做穿膠花, 人手砌合電子零件, 或小販等低技術沉悶工作
但這一代如果家境不好的人, 自己出來工作, 同樣也是要長時間工作, 侍應/勞動性工作等的要求跟以前無變, 工作時間甚至更長! 其他較低層工作, 學歷和能力要求其實比以前高得多 (如識電腦/打字/兩文三語等)! 穿膠花這些低下層工作是捱, 難道現在對著電腦十幾個鐘的工作不是捱?

很多人沒有發現的事實是, 現在的工作/時間/要求比以前更甚, 但所得待遇卻更少
大家可能看到以前的窮人捱幾十年最後都賺夠錢買到一個安樂窩, 但現在的窮人每月幾千人工, 唔食唔用儲幾十年都未必買到一個安樂窩!

2Q. 很多富豪/成功人士也是清貧家庭出身, 他們現在也一樣很成功,
而且每個年代的機遇都不同, 這一代亦有很多年輕人的成功故事, 如某社交網站創辦人現在才20歲左右, 還有一些年輕科技巨頭也很成功吧!
在外國亦有很多年輕俊才都靠科技起家, 賺了一桶又一桶金, 所以現在機會依然很多

2A. 說這句說話的人, 看似反駁得到"現在這一代的機會少", 但想深一層反而是提供了證據/數據說出以前的社會流動性/機會之大
那班成功人士, 就是在「以前」流動性高, 多機會的社會中才能成功, 他們甚至在30歲前已發跡, 賺了一世也用不完的金錢, 請問在「現在」社會你能夠找到幾多個這樣白手興家的年輕人呢?
你的確可能會找到一些年輕的成功人士, 但再看看他們的背景, 就會發現他們父母幾乎一定是已上位人士的一份子, 隨手俾幾十萬去下一代去闖都不會肉痛, 根本就不是白手興家

在這個年代, 我們亦可以找到很多「外國」的成功的年輕才俊, 但請列舉一些「本地」的成功年輕才俊的名字出來, 卻是令人啞口無言
(我自問是一個極愛看成功人士傳記/故事/新聞的人, 但我也數不出有幾多個)

舉外國成功例子, 其實也是反映了在本地幾乎找不到年輕人成功的例子 (原因就正是我原本的文章所講的各項吧!)

但看看全球500大富豪榜, 卻有不少本地在幾十年前發圍的富商上榜!! (想知他們靠甚麼起家, 大家可看看他們起家的行業)

3Q. 又有人說, 只要有料的話, 一樣可以上位, 甚至可以自行創業, 炒股炒樓賺大錢是有希望的 (看看之前有幾多少年股神!)

3A. 讓我來告訴你, 那根本是無知的井底之蛙的自我安慰說話
首先, 我不排除極少數有料的年輕人依然可以上到位
但係, 請詳細看清楚我原來的文章的內容, 現在要上位的關卡/考核/機遇和幾十年前比較是艱難幾多

自行創業更是可笑, 說出這句說話的人多是沒有創過業, 對創業有無窮幻想、心口得個勇字的年輕人, 又或是有很好靠山輸錢都唔怕的已上位人士的下一代
如果肯花點時間上網找一找一些官方的統計資料, 又或者商業雜誌提供的資料, 就會知道能夠成功創業的比例是多麼的小 (能夠創業並守業五年或以上的公司, 比例其實比入大學的數量更少得多!)

炒股炒樓也要有第一桶金 (否則便沒有適當的economic of scale, 手續費或佣金等等佔的比例太大, 會嚴重影響投資結果), 每天上班工作的錢只夠食和住, 錢從何來?
如果肯花點時間上網找一找一些官方的統計資料, 又或者商業雜誌提供的資料, 就會知道在股票市場賺到錢的人數的比例是多麼的小 (不說你可能不知道, 在股票市場十年或以上投資者, 能夠賺錢的人的比例比入大學的數量更少得多!)

4Q. 現在大學生多了, 質素相對下降了, 所以有些大學畢業生找不到工作也很正常, 是他們自己個人問題

4A. 大家知不知現在每年能夠入讀本地大學的人數只有約兩成? 入讀三大的人數更少
我勸大家比較一下幾十年前最佳的兩成人與現在最佳的兩成人, 他們畢業後出來的待遇吧!
例如, 以前讀完中學都可以做教師, 現在讀完碩士都很難找到一份教席, 真的要歸究於這一代的大學生質素下降了嗎?

幾十年前不少大學畢業生, 由於空缺和機遇較多, 工作幾年便能身居要職, 現在就算是本港最頂級的大學畢業的學, 如果沒有身居要職的叔伯介紹, 都很難入到大公司工作
很多大公司的所謂見習經理職位, 根本就是留給客戶或高層的下一代的
如果是一個窮人, 根本要入大學已經很難, 若要大學畢業後上到位, 就難上加難